اسمارٹ فون اور بچوں کی صحت پر اس کے منفی اثرات(فوٹو رائٹرز)
بچوں کا اسکرین کے سامنے زیادہ وقت گزاناوالدین کے لیے پریشان کن اور تشویش کا باعث ہے۔امریکہ میں ہونیوالی ایک تحقیق میں یہ بات سامنے آئی ہے کہ بچپن میں اسکرینوں کے سامنے بہت زیادہ وقت گزارنا بچوں کی سیکھنے اور بولنے کی صلاحیت کو متاثر کرتا ہے۔
Southern Methodist) کی تحقیق یہ بات سامنےآئی ہےکہ اسمارٹ فون یا دیگر اسکرینوں کا بہت زیادہ استعمال بچوں کی بالیدگی پر منفی اثرات مرتب کرتا ہے۔
تحقیق کے مطابق بچے ان حالات میں سیکھتے ہیں جب وہ حقیقی اشیاء کے ساتھ کھیلتے یا وقت گزارتے ہیں۔انھیں چھوتے اورپکڑتے ہیں۔گویاشئے کی بناوٹ اورساخت سے رو بروہوتے ہیں۔محققین کا کہنا ہے کہ جب بچے کوئی نیا لفظ سیکھتے ہیں،جیسے مثال کے طور پر سیب، تو یہ ضروری ہے کہ بچے اس کی ساخت کو محسوس کریں اور اسے دیکھیں۔محض سیب کی تصویردیکھنے سے تمام تفصیلات حاصل نہیں ہوتیں۔ سہل الفاظ میں یوں کہیں تو کسی چیز کو صرف اسکرین پر دیکھنے سے وہ سب کچھ معلوم نہیں ہوتا جو حقیقی دنیا میں اس سے روبروہونےسے ہوتا ہے۔محققین نےوالدین کو مشورہ دیا کہ بچوں کے لیے اسمارٹ فون کے استعمال کے وقت کو کم از کم رکھنے کی کوشش کریں، خاص طو رپر زندگی کے ابتدائی برسوں کے دوران، جس دوران ان کی دماغی نشوونما ہو رہی ہوتی ہے اور بولنے کی صلاحیت بہتر ہو رہی ہوتی ہے۔
محققین کے مطابق،اگر آپ بچوں کے ہاتھ میں فون اس لیے دیتے ہیں تاکہ وہ پرسکون رہیں یا آپ اپنا کام سکون سے کر سکیں تو فون کی بجائے دیگر کھلونے دینے کوترجیح دیں۔اس سے قبل گزشتہ سال ستمبر میں ایسٹونیا کی تارتویونیورسٹی کی تحقیق میںبتایا گیا تھا کہ جب بچے بہت زیادہ وقت اسکرینوں کے سامنے گزارتے ہیں تو ان کی بولنے کی صلاحیت بری طرح متاثر ہوتی ہے۔اس تحقیق میں والدین اور بچوں کو شامل کرکے انہیں اسکرینوں کے سامنے گزارے جانے والے وقت کو مدنظر رکھتے ہوئے 3 گروپوں میں تقسیم کیا گیا۔تحقیق میں پایا گیا کہ اسمارٹ فون یا دیگر اسکرینوں کے سامنے زیادہ وقت گزارنے سے بچوں پر کیا اثرات مرتب ہوتے ہیں۔والدین کے ساتھ بات چیت کرنے سے بچوں کی زبان بہتر ہوتی ہے جبکہ گرامر اور الفاظ کا ذخیرہ بھی بڑھتا ہے۔
مگر موجودہ عہد میں لوگ زیادہ وقت اسمارٹ فون استعمال کرتے گزارتے ہیں جس کی وجہ سے ان کے پاس بچوں سے بات کرنے کے لیے وقت نہیں ہوتا۔
تحقیق میں دریافت کیا گیا کہ اسکرینوں کے سامنے زیادہ وقت گزارنے والے بچوں کے بولنے کی صلاحیت متاثر ہوتی ہے۔اس کے مقابلے میں اسکرینوں سے دور رہنے والے بچوں کی زبان سے متعلق صلاحیتیں بہترین کام کرتی ہیں۔
