آسٹریلیا کی مؤثرجیت (فوٹو ای ایس پی این کریکنفو)
ایشزسیریز میں انگلینڈ کی مایوس کن کارکردگی کا سلسلہ جاری ہے۔ پرتھ کے بعد برسبین ڈے نائٹ ٹیسٹ میں بھی اسے ہار کا سامنا کرنا پڑا۔ اس طرح سیریز میں آسٹریلیا کو فیصلہ کن سبقت حاصل ہوگئی ہے۔ 5 میچوں کی سیریز میں واپسی کے لے انگلینڈ کو تمام طاقت جھونکنی ہوگی ۔ برسبین میں میزبان نے انگلینڈ کو 8 سے زیر کیا ۔ اس نے 65 کا ہدف دووکٹ کھو کر حاصل کرلیا ۔
ایشزسیریز میں انگلینڈ کی مایوس کن کارکردگی کا سلسلہ جاری ہے۔ پرتھ کے بعد برسبین ڈے نائٹ ٹیسٹ میں بھی اسے ہار کا سامنا کرنا پڑا۔ اس طرح سیریز میں آسٹریلیا کو فیصلہ کن سبقت حاصل ہوگئی ہے۔ 5 میچوں کی سیریز میں واپسی کے لے انگلینڈ کو تمام طاقت جھونکنی ہوگی ۔ برسبین میں میزبان نے انگلینڈ کو 8 سے زیر کیا ۔ اس نے 65 کا ہدف دووکٹ کھو کر حاصل کرلیا ۔
برسبین گابا میں کھیلے گئے ڈے اینڈ نائٹ ٹیسٹ میں انگلینڈ نے چوتھے دن 6 کے نقصان پر 134 رن سے آگے کھیلنا شروع کیا تو اسے باری کی ہار ٹالنے کے لیے مزید 43 رن کی ضرورت تھی۔کپتان بین اسٹوکس اور ول جیکس کریز پرجمے تھے جنہوں نے چائے کے وقفے تک 59 رن بناکر ٹیم کو 16 رن کی برتری دلوائی تاہم چائے کے وقفے کے بعد اسٹوکس 50 اور جیکس 41 رن بناکر آؤٹ ہوگئے۔ ان کے آؤٹ ہونے کے بعد کوئی بھی بلے باز مزاحمت نہ کرسکا اورانگلینڈ کی ٹیم 241 پر سمٹ گئی۔
آسٹریلیا کی جانب سے مائیکل نیسر نے 5، مچل اسٹارک اور اسکاٹ بولینڈ نے 2،2 جب کہ برینڈن ڈوگٹ نے ایک وکٹ حاصل کی۔ آسٹریلیا کو جیت کے لیے 65 رن کا نشانہ ملا جسے اس نے 2 کھو کر حاصل کرلیا۔
ٹریوس ہیڈ 22 اور مارنس لبوشین 3 رن بناکر آؤٹ ہوئے۔ کپتان اسٹیواسمتھ 23 اور جیک ویدرالڈ 17 رن بناکر ناٹ آؤٹ رہے۔
خیال رہے کہ ، کھیل کے تیسرے دن کرولی 44، پوپ 26، بین ڈکٹ، جو روٹ اور ہیری بروک 15، 15 جبکہ جیمی اسمتھ 4 رن بناکر آؤٹ ہوئے تھے۔
اس سے قبل آسٹریلیا نے اپنی پہلی باری میں 511 رن بناکر انگلینڈ پر 177 رن کی برتری حاصل کی تھی۔ آسٹریلیا نے کھیل کے تیسرے روز 6 وکٹ پر378 رن سے آگے کھیلنا شروع کیاگ تو مجموعی اسکور میں 5 رن جوڑنے کے بعد مائیکل نیسر (16) پویلین لوٹ گئے۔
ایلکس کیری 63 رن بناکر آؤٹ ہوئے ۔ مچل اسٹارک نے کریئر بہترین 77 رن کی باری کھیلی اور برینڈن ڈوگٹ 13 رن بناسکے ۔ اسکاٹ بولیںڈ 21 رن بناکر ناٹ آؤٹ رہے جب کہ جیک ویدرالڈ 72، مارنس لبوشین 65، کپتان اسٹیو اسمتھ 61، کیمرون گرین 45، ٹریوس ہیڈ 33 اور جوش انگلس 23 رن بناکر آؤٹ ہوئے ۔
انگلینڈ کی جانب سے کارس نے 4، کپتان اسٹوکس نے 3 جب کہ آرچر، گس ایٹکنسن اور ول جیکس نے ایک ایک وکٹ حاصل کی تھی۔
انگلش ٹیم اپنی پہلی باری میں 334 رن پر آل آؤٹ ہوگئی تھی۔ جو روٹ 138 رن بناکر ناقابل شکست رہے تھے۔
آسٹریلیا کی جانب سے مچل اسٹارک نے 6 جبکہ مائیکل نیسر، برینڈن ڈوگٹ اور اسکاٹ بولینڈ نے ایک ایک وکٹ حاصل کی تھی۔
