فوٹو رائٹرز
حرمین شریفین میں اعتکاف کے لیے رجسٹریشن کا عمل شروع ہوگیا ہے۔ میڈیا رپورٹس کےمطابق ، ادارۂ امورِ حرمین شریفین نے فرمانروا شاہ سلمان بن عبدالعزیز اور ولی عہد محمد بن سلمان کی ہدایت پر اعتکاف رجسٹریشن کا عمل 3 رمضان المبارک 1447ہجری سےشروع کردیا ہے۔
حرمین شریفین میں اعتکاف کے لیے رجسٹریشن کا عمل شروع ہوگیا ہے۔ میڈیا رپورٹس کےمطابق ، ادارۂ امورِ حرمین شریفین نے فرمانروا شاہ سلمان بن عبدالعزیز اور ولی عہد محمد بن سلمان کی ہدایت پر اعتکاف رجسٹریشن کا عمل 3 رمضان المبارک 1447ہجری سےشروع کردیا ہے۔
مسجد الحرام اور مسجد نبوی میں اعتکاف کی رجسٹریشن کے لیے ایک خصوصی آن لائن سہولت فراہم کی گئی ہے۔مسجد الحرام اور مسجد نبوی میں اعتکاف کے خواہشمند افراد ادارے کی سرکاری ویب سائٹ( https://eservices.alharamain.gov.sa/login.) پر جا کر اپنا اکاؤنٹ بنا سکتے ہیں اور رجسٹریشن مکمل کرسکتے ہیں۔رجسٹریشن کی منظوری ملنے کے بعد اعتکاف کرنے والوں کو قواعد و ضوابط سے بھی آگاہ کیا جائے گا۔
ادارہ امور حرمین شریفین نے ہدایت کی ہے کہ صرف سرکاری ویب سائٹ کے ذریعے ہی رجسٹریشن کرائیں اور کسی غیر مصدقہ ذریعے یا معلومات پر اعتماد نہ کریں۔
واضح رہے کہ ، اعتکاف کا آغاز رمضان المبارک کے آخری عشرے میں 20 ویں روزے سے ہوتا ہے اور عید کا چاند نظر آنے تک یہ عمل کیا جاتا ہے۔ معتکفین مسجد میں تمام وقت اللہ کی عبادت میں گزارتے ہیں اور مسجد کے اندر بنے خیموں میں رات گزارتے ہیں۔
