(تمام تصاویر رائٹرز)
سعودی عرب میں عمرہ زائرین کی تعداد میں نمایاں اضافہ ریکارڈ کیا گیا ہے۔ سعودی ادارہ شماریات کے مطابق 2026 کی پہلی سہ ماہی میں ایک کروڑ 52 لاکھ 33 ہزار 767 افراد نے عمرہ ادا کیا،
سعودی عرب کے ادارہ شماریات کے مطابق سال 2026 کی پہلی سہ ماہی کے دوران عمرہ ادا کرنے والے معتمرین کی تعداد ایک کروڑ 52 لاکھ 33 ہزار 767 تک پہنچ گئی۔
اعداد و شمار کے مطابق مجموعی معتمرین میں مردوں کا تناسب 59.4 فیصد جبکہ خواتین کا تناسب 40.6 فیصد رہا۔
ادارہ شماریات نے اپنی ویب سائٹ پر جاری اعداد و شمار میں بتایا کہ جنوری سے مارچ 2026 کے دوران عمرہ ادا کرنے والوں کی مجموعی تعداد ایک کروڑ 52 لاکھ سے تجاوز کر گئی۔
اعدادوشمار کے مطابق اس عرصے میں سعودی معتمرین کی شرح 28.9 فیصد ریکارڈ کی گئی جبکہ بیرون ملک سے آنے والے معتمرین کی تعداد 57 لاکھ 69 ہزار 271 رہی۔
بیرون ملک سے آنے والے معتمرین میں 27 لاکھ 77 ہزار 904 مرد شامل تھے، جو مجموعی تعداد کا 48.2 فیصد بنتے ہیں، جبکہ خواتین معتمرین کی تعداد 29 لاکھ 91 ہزار 367 رہی، جو 51.9 فیصد ہے۔
یہ اعداد و شمار سعودی عرب میں عمرہ زائرین کی بڑی تعداد اور مختلف ممالک سے آنے والے مسلمانوں کے لیے عمرہ کی مسلسل اہمیت کو ظاہر کرتے ہیں۔
